بسم الله الرحمن الرحيم
طبعا الموضوع دا بيتكلم عن الكوسة
وطبعا عندنا مثل فى مصر بيقول
(لو نهر النيل دا كلو صلصة
مايكفيش الكوسة الى فى البلد )
يلا نبدا ونشوف الكوسة عملت اية فى الدول
بدون ذكر اسماء
عشان الموضوع ماينغلقشى
الكـــــــوســـة
للكــــوســـــه فى بلادى شئون
بتخلي المسنود فرعون
يتفرعن فيها مهما يكون
الجاهل تخليه أستاذ
والأعرج لاعب جمباز
وتخلي الأحول هداف
والكورة الآوت في الجون
للكـــــوســــه ف بلادي شئون
لو تعرف واحد في الشرطة
هتخرج من أجدع ورطة
والراجل اللي انت ظلمته
تلاقيه متلقح مسجون
أو تعرف شخصية كبيرة
شغالة في البنك مديرة
هتاخد من غير ضمانات
قرض بكام مليون
وهروبك طبعا مضمون
ويا عيني لو تعرف نائب
في المجلس مش نائب خايب
هتبني أبراج وهمية
أوراقها مظبوطة أكيد
وفلوس الناس المهرية
حتجيلك م الجيب للإيد
بعديها تروح المستشفى
وتقيد نفسك مجنون
أحكامك تسقط في ساعتها
بعديها ترجع موزون
ويا عيني لو تعرف شيخ
فجنابك طاهر علطول
وصيامك طبعا مقبول
وإذا فرضا حبيت تتجوز
تتجوز من غير مأذون
وإذا ساكن في عماره جديدة
وحبيبك راجل مسئول
فسيادتك من غير ما تقول
يركب لك فورا تليفون
ولو انت عندك عربية
ونمرها سوده بنسرين
حتعدي أجدعها كمين
وهاتكسر أجدعها إشارة
ماهو نمرك سوده جباره
ولا تعرف أيتها قانون
ولو انت بتعرف فرّان
أو واحد بياع جرنان
هتاخد طلبك وحتمشي
من غير ولا دوشه ولا حتة دور
والناس الغلبانه حتاخد
طلباتها بعدك وتغور
ماهو كله غيرك بيهون
ولو انت زميل الحلاق
راح تحلق اولها زبون
وإذا كنت بتعرف دكتور
حتعيش متطمن مسرور
وحتسلك في لجان الشفوي
ومجال تعيينك موفور
وحتطلع فالتليفزيون
بالبدله وفيها الببيون
تتكلم وبكل بساطه
المهنه المدفون عن شرف
لكن لو شاعر غلبان
قلت اللي في نفسك على طول
حيقولوا مين قال لك قول
إنسان ذو عقل موزون
هتبص تلاقي بيهاجمك كام مليون
للكوسة في بلدي شئون