الرئيسية
من طرف 
اخواني اعضاء شباب اليوم
واللة ياجماعة شباب وبنات انا حزين بسبب انى مش شايف ولا موضوع فى صفحة المستقبل
السبب ان احنا مفيش عندنا مستقبل يعنى مفيش طموح ولا هانقول ان البلد حالها زى ما احنا شايفين وعارفين
لو قلنا كدة يبقى احنا اللى غلط . اكيد فى ناس موافقة على الكلام دة
عموما ياجماعة احنا لازم يبقى فى عندنا طموح ولازم نعرف ان فى ناس حققت نجاح كبير فى ظل ظروف تكاد تكون اصعب بكتير من اللى احنا فيها
من هنا لازم ندور على باب النجاح اللى مش مرتبط بفتحة الا شخص واحد هو إنت
هاتقولى ازاى هاقولك ابسط حاجة اسال اللى حققوا اهم حاجة يكون عندك الرغبة فى انك تبقى ناجح
عموما انا عندى كتاب اسمة (25 قصة نجاح) الكتاب محتواة باين من عنوانة وعموما دية شوية قواعد واسس لازم تبقى راسخة فى ذهنكوا وذهن كل الناس اللى عاوزة تبقى ناجحة
هى تقريبا تلخيص ملخص الكتاب دة ويارب نستفيد منها:
1-النجاح قد ياتى بعد وقت طويل فعليك بالصبر والتمسك بتحقيق هدفك.
2-يجب ان تجعل من كل حدث بحياتك حكمة بالغة تقف عليها وتستفيد منها.
3-كلما زادت ثقتك بنفسك وهدفك كلما اقتربت من تحقيقة.
4-اجعل مرحلة اليأس بداية لمرحلة الصبر.
5-الفشل فى التجربة الحالية يجعلك اكثر صلابه فى القادمة .
6-لا تجعل معلومة تفوتك ولا تستهون باقلها.
7-حاول التقرب من الناجحين اذا كان شخص بعينة او شركة كان تتابع اخبار شركة ناجحة.
8-الفشل مش انك تخسر تجربة الفشل هو انك ماتتقدرش تقوم بعمل اخرى.
9-اجعل هدفك واضحا امام عينيك حتى تصل الية.
انا عارف ان الكلام دة كتير ومتاكد انى طولت عليكو بس واللة حرام نسيب نفسنا كدة واحنا أصلا كويسين ومش اغبياء بس المشكلة ان احنا مش عارفين احنا رايحين فين بالضبط ياريت نفكر ولو للحظة .واللة الموضوع يستاهل والنجاح طعمة حلو وانا مجرب واللة.
يارب يكون فى افادة من الموضوع دة
ياريت باب المناقشة يتفتح وكل واحد يعبر عن رأية ويعرض اهدافة واحلامة اللى ممكن الغير يفكر فى تحقيقها ايضا
