الرئيسية
من طرف 
اخواني اعضاء شباب اليوم
هنا المستقبل ...ايه رايكوا لو كل واحد او واحده معانا فى المنتدى يطرح مشروع نفسه يعمله او عمله فعلا وحقق نجاح
عشان الباقى يستفيد
انا عن نفسى عندى مشروع موبايلات
هقولكو تفاصيله : هو لمشروع معتمد على الكروت (كروت الشحن)رقم واحد ولو بعت كل يوم بالف جنيه كروت مكسبها تقريبا 35 جنيه
ثانيا الاكسسوارات (وشوش جرابات شواحن) مكسبها حلو مش وحش تقريبا 25%
ثالثا وده المهم واللى بيعتمد على الخبرة هو بيع وشراء الموبايلات وانا شايف انى مكسبى فى الشراء قبل ما يكون فى البيع
رابعا الخدمات الخفيفة تحميل برامج فورمات جهاز او كارت ......الخ
دة كل الموضوع. ولو فى حد بيفكر فى الموضوع ده هايحس انه استفاد
عشان كدة بقول نطرح مشاريعنا عشان يبقى فى خطوة للامام كفايه اوى كدة للخلف.......
تمنياتى بالتوفيق لكل الناس.
افتح شبابيك الحلم.... افتح طريق لبكرة
لو هاقدر اغير راح اغير..لو مش قادر انا لازم اغير واتغير
